ლას-ვეგასის გრან პრიზე ფერარი განსაკუთრებული დიზაინით გამოვა
ფერარი ლას-ვეგასის გრან პრიზე განსაკუთრებული დიზაინით წარდგება. SF-23 ტიპის ბოლიდებზე ტრადიციულ წითელ ფერს დიდი რაოდენობით თეთრიც შეერევა, იგივე მოხდება პილოტების, ჩარლზ ლეკლერისა და კარლოს საინსის ეკიპირების შემთხვევაშიც.
იტალიური გუნდის შთაგონების წყარო 1970-იანი წლებია, როცა აშშ-ში ფერარის "ოქროს ხანა" იდგა, იმ პერიოდში "თეთრ-წითლებმა" საკუთარი ისტორიის ყველაზე დასამახსოვრებელი მომენტები შექმნეს.
ლეგენდარულმა ნიკი ლაუდამ ჩემპიონობა 2-ჯერ, 1975 და 1977 წლებში მოიპოვა. 1976 წელს "ლონგ ბიჩზე" კლეი რეგაზონიმ გაიმარჯვა, "უოტკინს გლენზე" კი პირველი ადგილი კარლოს როიტმანმა დაიკავა - 1978-ში. ამ წლების განმავლობაში ფერარი მუდამ შერეული, თეთრ-წითელი დიზაინით გამოდიოდა.
ისევე, როგორც ბოლიდის შემთხვევაში, ფერარის პარტნიორმა PUMA-მ პილოტებისთვის განსაკუთრებული ჩაფხუტები და კოსტუმები დაამზადა.
Red & White, looks alright 😍
— Scuderia Ferrari (@ScuderiaFerrari) November 9, 2023
What do you think of our new look for Vegas? 🔴⚪️#LasVegasGP #F1 pic.twitter.com/rsa6M7CHJt