ხაბიბ ნურმაგომედოვი თვითმფრინავის ბორტიდან მოხსნეს

UFC-ის ყოფილი მებრძოლი, ხაბიბ ნურმაგომედოვი იმ დროს გადაიღეს, როცა ერთ-ერთმა ბორტგამცილებელმა მას ამერიკული თვითმფრინავის დატოვება მოსთხოვა, ხაბიბს ეკიპაჟის წევრთან უთანხმოება მოუვიდა, რის გამოც მისი ბორტიდან მოხსნის გადაწყვეტილება მიიღეს. თვითმფრინავი ლას ვეგასიდან ლოს ანჯელესის მიმართულებით მიფრინავდა.

ხაბიბი თვითმფრინავის "გადაუდებელი საჭიროებებისთვის" განკუთვნილ ადგილას იჯდა, ბორტგამცილებელმა მას ჰკითხა, შეძლებდა თუ არა თანამგზავრებისთვის დახმარების გაწევას, თუ რაიმე გადაუდებელი შემთხვევა მოხდებოდა. ამან გარკვეული დაბნეულობა გამოიწვია, რადგან ნურმაგომედოვი ვერ მიხვდა რას გულისხმობდა ბორტგამცილებელი - ამას კი კამათი მოჰყვა.

საბოლოოდ ბორტგამცილებელმა ზედამხედველს სთხოვა დახმარება და ყოფილი მებრძოლის თვითმფრინავიდან გაყვანა. ბოლოს ჩანს, რომ ხაბიბი მწკრივს სტიუარდთან ერთად ტოვებს და თვითმფრინავიდან გასასვლელი კარისკენ მიდის.