კენიელ მორბენალს ჩამორთმეული ვერცხლის მედალი დაუბრუნეს

კენიელმა მორბენალმა, ფაით კიპიგონმა, პარიზის ოლიმპიურ თამაშებზე მოგებული ვერცხლის მედალი უკან დაიბრუნა. საქმე ისაა, რომ მას დისკვალიფიკაცია მიანიჭეს, რის შემდეგაც მან და მისმა გუნდმა გადაწყვეტილება ოლიმპიურ კომიტეტში გაასაჩივრა და საქმე მოიგო.

ორშაბათს საღამოს, კიპიგონი ოლიმპიური ოქროსთვის ქალთა შორის 5000 მეტრ დისტანციაზე სირბილში იბრძოდა. პირველი ადგილი მისმა თანამემამულე ბეატრის ჩებეტმა დაიკავა, მეორეზე თავად გავიდა, ბრინჯაო კი ნიდერლანდების წარმომადგენელმა, სიფან ჰასანმა აიღო. სპრინტის დასრულებიდან ცოტა ხნის შემდეგ გამოცხადდა, რომ კიპიგონი დისკვალიფიცირდა, რადგან ერთ-ერთ წრეზე, სავარაუდოდ, ეთიოპიელ მორბენალს ხელი უბიძგა.

საბოლოო ჯამში, კენიელი მორბენალი დამნაშავედ არ მიიჩნიეს იმაში, რომ ეთიოპიელმა გოგონამ წონასწორობა დაკარგა და 5000 მეტრ დისტანციაზე ოქროც და ვერცხლიც კენიელებს დარჩათ.