ჯორჯ რასელს 320 კმ/სთ სიჩქარით მოძრაობისას მუხრუჭების პრობლემა შეექმნა

ფორმულა 1-ის სარბოლო სეზონი დასრულდა, თუმცა გუნდები სხვადასხვა ტესტებს მაინც ატარებენ. ერთ-ერთი ასეთი სატესტრო რბოლის დროს, Mercedes-ის საჯინიბო უსიამოვნო ინციდენტში გაეხვა.

აბუ დაბიში, Mercedes-ის პილოტი - ჯორჯ რასელი საშინელ ავარიას სასწაულებრივად გადაურჩა. 320 კმ/სთ სიჩქარით მოძრაობისას, რასელის ბოლიდს მუხრუჭებზე პრობლემა შეექმნა და ფორმულა 1-ის პილოტი იძულებული გახდა, ბარიერებს განზრახ დაჯახებოდა. საბედნიეროდ, ჯორჯ რასელს დაზიანებები არ მიუღია.