გიგა ჭიკაძემ რეიტინგში ადგილი შეინარჩუნა

UFC 304-ზე გიგა ჭიკაძე არნოლდ ალენთან დამარცხდა. აღსანიშნავია, რომ "ნინძამ" UFC-ში მეორე წაგება ალენთან იწვნია.

გამარჯვების შემთხვევაში გიგა რეიტინგში საგრძნობლად დაწინაურდებოდა და საჩემპიონო რბოლაშიც ჩაერთვებოდა. მიუხედავად მარცხისა, ქართველმა TOP 10-ში ადგილი შეინარჩუნა და კვლავ მე-10 პოზიციას იკავებს. რაც შეეხება ალენს, მან მხოლოდ ერთი საფეხურით აიწია. ინგლისელი მებრძოლი ქვემსუბუქი წონის რეიტინგში მე-5 ადგილზეა.