დვალიშვილმა HYPE Reality-სთან დაკავშირებული პოსტი წაშალა

რამდენიმე საათის წინ გავრცელდა ინფორმაცია, რომ მერაბ დვალიშვილს HYPE Global Reality-ში ვიხილავდით. ეს პროექტია, სადაც ცნობილი მებრძოლები საკუთარ გუნდს ქმნიან, ავარჯიშებენ და შემდეგ ერთმანეთს არკინებენ. ბოლო სეზონში ერთმანეთს ხამზატ ჩიმაევისა და არმან ცარუკიანის გუნდები დაუპირისპირდნენ.

HYPE Global Reality-მ ოფიციალურად დაადასტურა, რომ დვალიშვილი იანის გუნდს დაუპირისპირდებოდა. ამის შესახებ ალფრედო აუდიტორემ (HYPE-ის შემქმნელმა) სოციალურ ქსელშიც დაპოსტა, რომელიც დვალიშვილმა საკუთარ გვერდზე გააზიარა.

ამჟამად, მერაბ დვალიშვილის Instagram გვერდზე აღნიშნული პოსტი არ იძებნება. დიდი ალბათობით, ის იმას უნდა ნიშნავდეს რომ მერაბი რუსულ პროქეტში მონაწილეობას აღარ მიიღებს.