დვალიშვილი უმარის ნოკაუტზე: „არ გამხარებია, ასე არავის ვუსურვებდი წაგებას“

ბრაიან კემპბელთან ჩაწერილ ინტერვიუში მერაბ დვალიშვილმა სონგ იადონგისა და უმარ ნურმაგომედოვის ჩხუბზე ისაუბრა. ქართველ მებრძოლს, მიუხედავად უმარ ნურმაგომედოვთან არსებული მწვავე უთანხმოებისა და ხანგრძლივი მეტოქეობისა, დაღესტნელის მძიმე ნოკაუტით დამარცხება არ გახარებია. 

დვალიშვილისა და ნურმაგომედოვის დაპირისპირების ისტორია კი ჯერ კიდევ მაშინ დაიწყო, როცა ქართველი UFC-ის მოქმედი ჩემპიონი იყო და ტიტულის პირველ დაცვას უმარის წინააღმდეგ გეგმავდა.  UFC 311-ის ივენთზე დვალიშვილმა უმარ ნურმაგომედოვს კარიერაში პირველი მარცხი აგემა და წარმატებით დაიცვა UFC-ის სუპერმსუბუქი წონის ქამარი.

ამჟამად ქართველის მთელი ყურადღება საჩემპიონო ტიტულის დაბრუნებაზეა გადატანილი. 24 ოქტომბერს, აბუ დაბიში დვალიშვილი პეტრ იანთან ტრილოგიის მესამე, გადამწყვეტ ბრძოლას გამართავს.