მერაბ დვალიშვილი RAF-ის ტურნირზე იჭიდავებს

14 ნოემბერს აბუ დაბიში (Etihad Arena-ზე) თავისუფალი ჭიდაობის პრომოუშენის - Real American Freestyle (RAF) მასშტაბური ტურნირი გაიმართება. ტურნირის ქარდზე ოფიციალურად არის წარმოდგენილი MMA-ის ქართველი მებრძოლი, მერაბ დვალიშვილი, რომელიც თავისუფალ ჭიდაობაში კიდევ ერთხელ იასპარეზებს. მერაბმა, პიოტრ იანთან ტრილოგიის მესამე ჩხუბის შემდეგ, (მსაჯების ერთსულოვანი გადაწყვეტილებით დამარცხდა და სუპერმსუბუქი დივიზიონის ქამარი ვერ დაბრუნა), დიდხანს არ შეისვენა - ამ ორ ბრძოლას შორის განსხვავება სულ 3 კვირა იქნება.

საღამოს მთავარი ბრძოლა ხამზატ ჩიმაევისა და კოლბი კოვინგტონს შორის შედგება, ხოლო დვალიშვილის მეტოქე ჯერ უცნობია.

ეს იქნება მერაბისთვის რიგით მეოთხე გამოჩენა ამ ორგანიზაციის ფარგლებში - მას 3 ჩატარებული ბრძოლიდან 2 მოგება და 1 მარცხი აქვს ფიქსირებული (მოგება ედგართან, და სეხუდოსთან - წაგება სეხუდოსთან განმეორებით შეხვედრაში).