დევონ ლარატი: "ლევანთან გამარჯვება გულშემატკივრების გამო მინდოდა"

თურქეთში მკლავჭიდის ერთ-ერთი ყველაზე პრესტიჟული ღონისძიება ჩატარდა. EAST VS WEST 12-ის ეგიდით გამართულ შეჯიბრებაზე, მთავარი ბრძოლა 2 უდიდეს სპორტსმენს, ლევან საგინაშვილსა და დევონ ლარატს შორის გაიმართა. ქართველმა ჰალკმა, აბსოლუტური წონის ჩემპიონის ქამარი, დევონს უპრობლემოდ ჩამოართვა. შეხვედრა 4 რაუნდში, საგინაშვილის სრული დომინაციით დასრულდა. შეხვედრის შემდეგ ლარატმა ლევანის მიმართ საქებარი სიტყვები არ დაიშურა.

იმის გარდა, რომ საგინაშვილმა ლარატს ჩემპიონის ქამარი წაართვა, ორი წლის წინ KING OF TABLE-ის ეგიდით გამართულ შეჯიბრშიც უპრობლემოდ დაამარცხა. თუ აქამდე მაინც არსებობდა კითხვები, ვინაა მკლავჭიდის ამ 2 გიგანტს შორის საუკეთესო, უკანასკნელმა შეხვედრამ, ამ საკითხზე დისკუსიას, აზრი გაუქრო.