დანა უაითმა ყველა დროის საუკეთესო მებრძოლი დაასახელა

UFC-ის მენეჯერმა, დანა უაითმა, ბლიც ინტერვიუში მიიღო მონაწილეობა, სადაც რამდენიმე საინტერესო შეკითხვას უპასუხა და საუკეთესოები დაასახელა.

უაითმა აღნიშნა, რომ ის მაიკლ ჯორდანის უდიდესი ფანია, ამიტომ ისტორიაში საუკეთესო ათლეტად სწორედ ამერიკელ კალათბურთელს მიიჩნევს. დანა უაითისთვის, ყველაზე დასამახსოვრებელი ბრძოლა UFC-ში, გეიჯისა და მაქს ჰოლოუეის დაპირისპირებაა - ეს ის შეხვედრაა, რომლის ბოლო 10 წამშიც ჰოლოუეიმ გეიჯს ოქტაგონის ცენტრისკენ მიუთითა და დარტყმების გაცვლა შესთავაზა, ჰავაელმა სპორტსმენმა გეიჯი ბოლო წამზე დაანოკაუტა და BMF ქამარი მიიღო, ამ დიდედებული ბრძოლის შემდეგ შეხვდა მაქსი ილია თოფურიას, სადაც ნოკაუტი უკვე საკუთარ თავზე გამოსცადა. UFC-ის "ხმად" და ყველაზე დიდი შოუს შემქნელად დანა უაითი კონორ მაკგრეგორს მიიჩნევს.

კითხვებზე, ვინ არის ამ წუთას საუკეთესო ყველა დივიზიონიდან და ვინ არის UFC-ის ისტორიაში საუკეთესო მებრძოლი, დანა უაითმა ერთი პასუხი გასცა - ჯონ ჯონსი.

შეგახსნებთ, რომ ლეგენდარული მებრძოლი UFC 309-ზე სტიპე მიოჩიჩს დაუპირისპირდება. ჯონ ჯონსი ბოლოს ოქტაგონზე თითქმის ორი წლის წინ იდგა, ამიტომ UFC-ის მოყვარულებისთვის ამ ბრძოლას დიდი მნიშვნელობა აქვს. MMA-ში ჯონსის სტატისტიკა 27 მოგება და 1 მარცხია, მიოჩიჩის ბალანსი კი 20-4-ზეა.