მერაბ დვალიშვილი: "უმარი დაღესტნელია და რუსეთის სახელით გამოდის"

სულ რაღაც 2 დღე რჩება იქამდე, სანამ UFC-ს ქართველი ჩემპიონი, მერაბ დვალიშვილი, საჩემპიონო ქამარს პირველად დაიცავს. ბრძოლა კალიფორნიაში, ლოს ანჯელესში, 19 იანვრის 7 საათიდან დაიწყება - UFC 311-ზე დვალიშვილის მოწინააღმდეგე რუსეთის სახელით მოასპარეზე უმარ ნურმაგომედოვი იქნება. ორივე მებრძოლი უკვე ლოს ანჯელესშია და ფიზიკურ დაპირისპირებამდე ერთმანეთთან სიტყვებიც გაცვალეს.

უმარსა და მერაბს, მთელი ჩხუბისწინა პერიოდის განმავლობაში, "თრეშთოქი" აქვთ გაჩაღებული. დვალიშვილი ხშირად ადანაშაულებდა ნურმაგომედოვს და მის გუნდს, რომ ისინი ქართველი მებრძოლის მიმართ პატივისციმას არ იჩენენ. ისიც არავისთვისაა უცხო, რომ პრომოუშენის მენეჯერის, დანა უაითის სიმპათიები დაღესტნელი მებრძოლების, კერძოდ კი ხაბიბ ნურმაგომედოვის გარემოცვისკენაა გადახრილი და უმარს საჩემპიონო ჩხუბი დამსახურებულზე ადრე ჩაუნიშნა.