"ჩემპიონობის მთავარ კანდიდატებს თავს არიდებ" - დვალიშვილი ო'მალის
UFC-ში სუპერმსუბუქ წონაში მოვლენები ძალიან საინტერესოდ ვითარდება. მას შემდეგ, რაც ჩემპიონი ალჯო შონ ო'მალისთან დამარცხდა, ყველა დვალიშვილისა და "შუგა შოუს" დაპირისპირებაზე ალაპარაკდა. თუმცა, როგორც ო'მალის განცხადებებიდან ვიმსჯელებთ, მას ქართველთან ჩხუბი არ სურს. UFC ცდილობს მერაბს სხვა მეტოქე გამოუძებნოს, თუმცა, "მანქანა" მხოლოდ საჩემპიონო ბრძოლის ჩატარებით ინტერესდება.
სუპერმსუბუქი წონის ჩემპიონმა მისთვის ყველაზე არასასურველი მებრძოლი დაასახელა, რომელიც ალექს ვოლკანოვსკი აღმოჩნდა.
ქვემსუბუქ წონაში მაშინ ავალ, როცა ვოლკანოვსკი აღარ იბრძოლებს - განაცხადა შონ ო'მალიმ
O'Malley is waiting for the right time to move up to featherweight 😳 pic.twitter.com/xyzM41WUxr
— ESPN MMA (@espnmma) September 19, 2023
"შუგას" ამ განცხადებას გამოეხმაურა მერაბ დვალიშვილიც. ქართველმა მებრძოლმა შონს განუცხადა, რომ ის ნამდვილ ქამრის კანდიდატებთან არ ჩხუბობს.
ამიტომაც არ მომწონხარ. ჩემპიონობის მთავარ კანდიდატებთან ბრძოლას თავს არიდებ. - წერს მერაბ დვალიშვილი საკუთარ სოციალურ ქსელში
That's my problem with you champ. You avoid the top contenders .. fights that are real 👎
— Merab “The Machine” Dvalishvili (@MerabDvalishvil) September 19, 2023
შეგახსენებთ, რომ ო'მალისთან წაგებული შეხვედრის შემდეგ, ალჯამაინ სტერლინგმა ჩემპიონის სტატუსი დაკარგა და ახლა სუპერმსუბუქ წონაში ის და მერაბი იყოფენ პირველ ადგილს.