"ამ ბიჭს შეუძლია ყველა დროის საუკეთესო იყოს" - დანა უაითი თოფურიაზე

18 თებერვალს ილია თოფურიამ ქართული სპორტის ისტორია დაწერა. UFC 298-ზე "მატადორმა" ალექს ვოლკანოვსკი დაამარცხა და ყველაზე პრესტიჟული ორგანიზაციის პირველი ქართველი ჩემპიონი გახდა. ამ გამარჯვების შემდეგ, თოფურიამ ესპანეთში კონორ მაკგრეგორთან ბრძოლის სურვილი გამოთქვა. თოფურიას ჩემპიონობაზე და კონორთან შესაძლო ბრძოლაზე UFC-ის პრეზიდენტმა დანა უაითმა ისაუბრა.

იმავე საღამოს მერაბ დვალიშვილმაც იბრძოლა. "მანქანამ" სამრაუნდიან დაპირისპირებაში ჰენრი სეხუდო დამაჯერებლად დაამარცხა და ჩემპიონობის პირველი კანდიდატი გახდა.

აღსანიშნავია, რომ UFC 298 კალიფორნიის ისტორიაში ყველაზე შემოსავლიანი ღონისძიება გამოდგა. საღამოს 18 186 ადამიანი დაესწრო და შემოსავლებმა $7.26 მილიონს მიაღწია.