"ჩემი და უმარის ბრძოლა სამომავლოდ შესაძლოა ჩაინიშნოს"- ალექსანდრე თოფურია

UFC-ში ალექსანდრე თოფურიას დებიუტამდე სულ ცოტა დრო რჩება. ალექსანდრე პირველ ჩხუბს სიდნეიში, ადგილობრივ კოლბი სიქნესთან გამართავს. მიუხედავად იმისა, რომ ავსტრალიელი დაუმარცხებელია და HEX Fight Series-ის გამარჯვებულიც არის, თოფურია ამ ჩხუბში ფავორიტია.

უფროს თოფურიას სუპერმსუბუქ წონაში საკმაოდ დიდ მომავალს უწინასწარმეტყველებენ. მოვა დრო როცა ალექსანდრეს TOP მებრძოლების წინააღმდეგ ვიხილავთ. ქართველის ერთ-ერთი მომავალი სამიზნე უმარ ნურმაგომედოვია.

შეგახსენებთ, რომ ალექსანდრეს და სიქნესის ბრძოლა პრელიმებზე პირველივე ჩხუბი იქნება. დაპირისპრიება 9 თებერვალს, გამთენიისას 05:00 საათზე დაიწყება.