"ამის გამო სეხუდოს არასდროს დავცინოდი" - მერაბ დვალიშვილი

UFC 298-ზე, მერაბ დვალიშვილმა ჰენრი სეხუდოს წინააღმდეგ დამაჯერებელი გამარჯვება მოიპოვა. ქართველმა მებრძოლმა UFC-ის ორი დივიზიონისა და ოლიმპიური ჩემპიონის დამარცხება ერთი ამოსუნთქვით შეძლო. სეხუდოსთან მოპოვებული გამარჯვების შემდეგ, მერაბი ტიტულისთვის ბრძოლის მთავარი პრეტენდენტი გახდა და უდიდესი ალბათობით ქამარზე ო'მალისა და ვერას შორის გამარჯვებულს დაუპირისპირდება.

MMA-ს პოპულარულ პოდკასტში სტუმრობისას, მერაბ დვალიშვილმა იმ გარემოებაზე ისაუბრა, რის გამოც, ჰენრი სეხუდოს არასდროს დასცინოდა. დვალიშვილის ხუმრობამ JAXXON-ის წამყვანებიც გაამხიარულა და სოციალური ქსელების მომხმარებლებისგან დადებითი გამოხმაურება მიიღო.