"ვფიქრობ ძალიან ნათელია, რომ ილია წლის საუკეთესო მებრძოლია" - კამარუ უსმანი
3 კვირის წინ
სხვა
1 წთ
ილია თოფურიამ საკუთარი სიტყვები გაამართლა და მაქს ჰოლოუეი გათიშა. UFC 308-ზე "მატადორმა" საკუთარი ქამარი პირველად დაიცვა და ქვემსუბუქ წონაში პირველობა გაიმყარა.
Pound 4 Pound with Kamaru & Henry- ს პოდკასტში საკმაოდ ბევრი ისაუბრეს. სეხუდოს აზრით, ქართველი წლის საუკეთესო მებრძოლის ტიტულს აუცილებლად იმსახურებს.
ილია თოფურიას საოცარი 2024 წელი ჰქონდა. ჩვენი მხრიდან ძალიან დიდი სისულელე იქნება თუ მას წლის საუკეთესო მებრძოლის სტატუსს არ მივანიჭებთ. ის ამას ალექს პერეირაზე მეტად იმსახურებს. აგიხსნით რატომ. თოფურიამ ორი დიდების დარბაზის წევრი დაამარცხა - ალექს ვოლკანოვსკი, რომელიც Pound for Pound-ის ყოფილი მეფეა. ილიამ გათიშა ისეთი ბიჭი როგორიც მაქს ჰოლოუეია. ალექს პერეირა გადაიწიე გზიდან. აქ არის BMF, წლის საუკეთესო მებრძოლი და მისი სახელია ილია თოფურია. - განაცხადა ჰენრი სეხუდომ
გეთანხმები, რომ ილია თოფურია წლის საუკეთესო მებრძოლია. ილიამ 2 ბრძოლა ჩაატარა, ალექსმა კი სამჯერ იჩხუბა. მაგრამ, როცა ორი საუკეთესო მებრძოლის გათიშვა შეგიძლია, რომლებიც დივიზიონში საუკეთესონი არიან და უდავოდ, Pound for Pound-ის პირველი ათლეტები არიან, ვფიქრობ ეს შენზე ძალიან კარგად მეტყველებს. ილიას უბრალოდ არ დაუმარცხებია ისინი, მან გათიშა ალექსი და მაქსი. ვფიქრობ ძალიან ნათელია, რომ ილია წლის საუკეთესო მებრძოლია. - განაცხადა კამარუმ
ჯერჯერობით, ილია თოფურიას მომავალ მოწინააღმდეგეზე არაფერი ვიცით. თუმცა, დანა უაითმა დაადასტურა რომ 2025 წელს UFC ესპანეთში ჩავა. ეს იმას ნიშნავს, რომ 99%-ით ილია აღნიშნულ საღამოს იბრძოლებს.
სხვა სტატიები
