ალექსანდრე თოფურიას დებიუტის სავარაუდო თარიღი ცნობილია

რამდენიმე დღის წინ სოციალურ ქსელში გავრცელდა ინფორმაცია, რომ ალექსანდრე თოფურიას დებიუტმა გადაიწია. სოციალურ ქსელში ამის მთავარ მიზეზად ტრავმა სახელდებოდა.

ახლა კი გავრცელდა ინფორმაცია, რომ ილიას უფროსი ძმა UFC-ში მის პირველ ჩხუბს 20 ივლისს გამართავს.

შეგახსენებთ, რომ ალექსანდრეს UFC-ში გადასვლის ამბავი თავად ილია თოფურიამაც დაადასტურა. ეს იმას ნიშნავს, რომ ყველაზე პრესტიჟულ ორგანიზაციაში მე-6 ქართველიც გვეყოლება.

ალექსანდრეს კარიერის განმავლობაში 6 ბრძოლა აქვს ჩატარებული და აქედან 5 მოიგო. აღსანიშნავია, რომ თოფურიამ ყველა გამარჯვება დროზე ადრე მოიპოვა.