აკაკი ქემერტელიძე ევროპის ჩემპიონატის ბრინჯაოსმედალოსანია

სლოვაკეთის დედაქალაქ ბრატისლავაში მიმდინარე ევროპის ჩემპიონატზე, საქართველოს თავისუფალი სტილით მოჭიდავეთა ნაკრები წარმატებულ ასპარეზობას განაგრძობს.

ბრინჯაოს მედლისთვის გამართულ დაპირისპირებაში აკაკი ქემერტელიძემ (70კგ) ოლექსი ბორუტა 6:2 დაამარცხა და ევროპის ჩემპიონატის ბრინჯაოსმედალოსანი გახდა.

შეგახსენებთ, ბრინჯაოს მედლისთვის დღეს გოგა ოთინაშვილმაც (65კგ) იჭიდავა, რომელიც ვაზგენ ტევანიანთან დამარცხდა, ხოლო გივი მაჭარაშვილი (97კგ) უმაღლესი სინჯის მედლისთვის იბრძოლებს.

ფოტო: United World Wrestling