ვირტუს ბოლონიამ ვარეზე დიდი ანგარიშით დაამარცხა

იტალიის სერია A-ს 28-ე ტურის შეხვედრაში "ვირტუს ბოლონიამ" "ვარეზე" 104:67 დაამარცხა.

თორნიკე შენგელიამ 21 წუთი ითამაშა, რა დროშიც 14 ქულა (6-დან 4 ორქულიანი, 8-დან 6 საჯარიმო), 3 მოხსნა, 4 შედეგიანი გადაცემა და 1 ჩაჭრა მიითვალა.

მატჩში ყველაზე მეტი 20 ქულა ჯეილენ ჰენდსმა ჩააგდო, თოკოს მსგავსად 14-14 ქულა კიდევ ორ კალათბურთელს ვილ კლაიბერნს და მეტ მორგანს ჰქონდათ.

"ვირტუს ბოლონიას" სერია A-ს ცხრილში 42 ქულა აქვს (21 მოგება, 7 მარცხი) და პირველ ადგილზეა.

მომდევნო შეხვედრას ბოლონიური გუნდი 4 მაისს, 20:15 საათზე "სკაფატის" წინააღმდეგ ჩაატარებს.