ვირტუს ბოლონიამ კრემონა დაამარცხა | თორნიკე შენგელიას გუნდი ლიდერებს შორისაა

იტალიის სერია A-ს 27-ე ტურის შეხვედრაში თორნიკე შენგელიას "ვირტუს ბოლონიამ" "კრემონა" 93:85 დაამარცხა.

ბოლონიელებს იტალიის ჩემპიონატში კარგი მდგომარეობა აქვთ და ზედიზედ მეორე შეხვედრა მოიგეს. თოკოს გუნდმა პირველი ტაიმი 4 ქულით წააგო (20:23, 29:30), ხოლო მეორე ტაიმი კარგად დაიწყო, ჯერ 24:16 მოიგო, ხოლო ბოლო გადამწყვეტ მეოთხედში 20:16 გამარჯვების მოპოვება შეძლო.

ქართველმა კალათბურთელმა მატჩში 19 წუთი ითამაშა, ამ დროში კი მან 8 ქულა (5-დან 3 ორქულიანი, 4-დან 2 საჯარიმო), 1 მოხსნა და 3 ასისტი მიითვალა.

შეხვედრაში ყველაზე შედეგიანი მარკო ბელინელი იყო 21 ქულით.

"ვირტუს ბოლონია" იტალიის ჩემპიონატში 38 ქულით (19 მოგება, 8 მარცხი) მეორე ადგილზეა. შემდეგ შეხვედრას ქართველი კალათბურთელის გუნდი ევროლიგაში "ანადოლუ ეფესის" წინააღმდეგ გამართავს, მატჩი 16 აპრილს გაიმართება.