თორნიკე შენგელიას ვირტუსმა ტორტონა დაამარცხა

იტალიის საკალათბურთო ლიგის სერია A-ს 29-ე ტურის მატჩში "ვირტუს ბოლონიამ" "ტორტონა" 84:77 დაამარცხა.

თორნიკე შენგელიამ შეხვედრაში 26 წუთი ითამაშა და ყველაზე შედეგიანი მატჩი ჩაატარა, მან ამ დროში 15 ქულა (6-დან 4 ორქულიანი და 8-დან 7 საჯარიმო), 6 მოხსნა, 2 ასისტი და 1 ჩაჭრა დააგროვა.

"ტორტონას" რიგებიდან ყველაზე შედეგიანი 13 ქულით კაილ ვიმსი იყო.

"ვირტუს ბოლონია" იტალიის ჩემპიონატის ცხრილში 42 ქულით პირველ ადგილზეა (21 მოგება, 8 მარცხი), ბოლონიელები შემდეგ ტურში "ტრენტოს" წინააღმდეგ ბოლო შეხვედრას ჩაატარებენ, მატჩი 5 მაისს გაიმართება. ამის შემდეგ კი დაიწყება პლეი ოფის შეხვედრები.