თორნიკე შენგელიას სუპერმატჩი | ვირტუსი ოლიმპია მილანოსთან დამარცხდა

ევროლიგის 33-ე ტურის შეხვედრაში თორნიკე შენგელიას "ვირტუს ბოლონია" "ოლიმპია მილანოს" დაუპირისპირდა. ქართველი კალათბურთელის გუნდი მთელი შეხვედრის განმავლობაში აგებდა და მატჩის ბოლომდეც ვერ მოახერხა შეხვედრის შემოტრიალება, საბოლოოდ "ვირტუსმა" 90:75 წააგო.

თორნიკე შენგელიას ყველაზე შედეგიანი მატჩი ჰქონდა, მან მოედანზე 23:42 წუთი გაატარა, ამ დროში თოკომ 21 ქულა (10-დან 6 ორქულიანი, 10-დან 9 საჯარიმო), 1 მოხსნა, 1 ასისტი მიითვალა.

მეორე ყველაზე კარგი მაჩვენებლით ნიკოლა მიროტიჩი იყო, მან 18 ქულით და 11 მოხსნით ორმაგი დუბლი გაიფორმა.

"ვირტუს ბოლონიას" ევროლიგაში 17 მოგება და 16 მარცხი აქვს, ამ მაჩვენებლით იტალიური გუნდი მე-9 ადგილზეა. თორნიკე შენგელიას გუნდი შემდეგ შეხვედრას იტალიის ჩემპიონატში "ვენეციას" წინააღმდეგ გამართავს, შეხვედრა 7 აპრილს გაიმართება.