თორნიკე შენგელიას მორიგი შედეგიანი მატჩი | ვირტუსმა ალბა ბერლინი დაამარცხა

თორნიკე შენგელიას "ვირტუს ბოლონია" ევროლიგის მე-19 ტურის შეხვედრაში "ალბა ბერლინს" დაუპირისპირდა და იტალიურმა გუნდმა მეტოქე 68:83 დაამარცხა.

კარგი მატჩი ჰქონდა ქართველ კალათბურთელს, თორნიკემ თამაში ძირითად შემადგენლობაში დაიწყო 23:29 წუთი ითამაშა, რა დროშიც 12 ქულა, 5 მოხსნა, 5 შედეგიანი გადაცემა, 1 ჩაჭრა და 1 ბლოკი დააგროვა. თორნიკეს მსგავსად ქართველის თანაგუნდელმა ბრაიან დანსტონმა 12 ქულა და 6 მოხსნა მიითვალა.

ყველაზე მეტი ქულა მატჩში ბერლინელთა შემადგენლობიდან მატეო სპანიოლოს და იოჰანეს ტიმანს ჰქონდათ 13-13 ქულა, 12 ქულა სტერლინგ ბრაუნმა დააგროვა.