თორნიკე შენგელიას კარგი მატჩი | ვირტუსმა პისტოია დაამარცხა

იტალიის საკალათბურთო ჩემპიონატის სერია ა-ში მე-13 ტური გაიმართა, სადაც თორნიკე შენგელიას "ვირტუს ბოლონია" "პისტოიას" დაუპირისპირდა. ქართველის გუნდმა მეტოქე მარტივად 70:91 დაამარცხა.

კარგი მატჩი ჰქონდა თორნიკე შენგელიას, მან 24 წუთი ითამაშა, რა დროშიც 16 ქულა, 4 მოხსნა და 2 ასისტი მიითვალა.

მატჩში ყველაზე მეტი ქულა ისევ მარკო ბელინელის ჰქონდა, იტალიელმა კალათბურთელმა 19 ქულა დააგროვა.

იტალიის ჩემპიონატში ბოლონიური გუნდი მე-3 ადგილზეა 18 ქულით (9 მოგება, 4 წაგება).

შემდეგ შეხვედრას "ვირტუსი" ევროლიგაში პარტიზანს დაუპირისპირდება, მატჩი 28 დეკემბერს გაიმართება.