თორნიკე შენგელია სერია A-ს ნოემბრის თვის სიმბოლურ ხუთეულში მოხვდა

,,ვირტუს ბოლონიას'' ფორვარდი, თორნიკე შენგელია სერია A-ს ნოემბრის თვის ,,ოცნების გუნდში'' შეიყვანეს.

ქართველი კალათბურთელის გარდა, სიმბოლურ ხუთეულში ჯასტინ რობინსონი (ტრაპანი), ამედეო დელა ვალე (ბრეშა), ოსვალდას ოლისევიჩიუსი (ტრევიზო) და ენტონი ლემბი (ტრენტო) მოხვდნენ.

შენგელია ნოემბერში იტალიის საკალათბურთო ჩემპიონატში ჩატარებულ 4 შეხვედრაში საშუალოდ 15 ქულას, 3.5 მოხსნასა და 2.5 შედეგიან გადაცემას აგროვებდა. ,,ვირტუსმა'' კი 4-დან 3 მატჩი მოიგო.

სერია A-ს 8 ტურის შემდეგ, თორნიკეს გუნდი 7 მოგებითა და 1 წაგებით სატურნირო ცხრილის მე-2 პოზიციაზეა და მხოლოდ ,,ტრენტოს'' ჩამორჩება.