თორნიკე შენგელია იოკიჩთან და დონჩიჩთან ერთად ამხანაგურ შეხვედრაში მიიღებს მონაწილეობას

ხვალ, ლეგენდარული ხორვატი კალათბურთელის, დრაჟან პეტროვიჩის საპატივცემულო მატჩი ჩატარდება, სადაც თორნიკე შენგელიაც მიიღებს მონაწილეობას, ამის შესახებ თავად ქართველი კალათბურთელის სოციალური ქსელიდან ვიგებთ. თოკოსთან ერთად მატჩში მონაწილეობას მიიღებენ: ლუკა დონჩიჩი, გორან დრაგიჩი, ბოიან ბოგდანოვიჩი, ნიკოლა იოკიჩი. გუნდის მწვრთნელები იქნებიან ობრადოვიჩი და ნევენ სპაჰია.

ამ ღონისძიებას სათავეში უდგას ალეკსანდერ პეტროვიჩი (დრაჟანის ძმა).

როგორც პოსტში წერია, თორნიკე ერთ-ერთი პირველი იყო ევროლიგის ვარსკვლავებიდან ვისაც დაუკავშირდნენ. საქართველოს ეროვნული ნაკრების კაპიტანმა კი ამ შემოთავაზებაზე თანხმობა განაცხადა