ტენერიფემ ლიგა ენდესას სეზონი, ბასკონიასთან გამარჯვებით დაიწყო

ესპანეთის ლიგა ენდესას (ACB) სეზონი დაიწყო და პირველი მატჩებიც გაიმართა. გიორგი შერმადინის "ტენერიფე" პირველ შეხვედრაში საკუთარ არენაზე "ბასკონიას" დაუპირისპირდა. მასპინძლებმა მეტოქე გუნდი 88:80 დაამარცხეს.

გიორგი შერმადინმა პარკეტზე 19:48 წუთი გაატარა, რა დროშიც 10 ქულა (8-დან 4 ორქულიანი 50% და 4-დან 2 საჯარიმო), 4 მოხსნა და 1 დაფარება მიითვალა.

მატჩში ყველაზე შედეგიანი 20 ქულით ჩიმა მონეკე იყო.

მომდევნო შეხვედრას "ტენერიფე" ჩემპიონთა ლიგის ჯგუფურ ეტაპზე გამართავს, სადაც თურქულ "კარსიაკას" დაუპირისპირდება. მატჩი 2 ოქტომბერს, 20:30 საათზე გაიმართება.