ტენერიფე ვალენსიასთან დამარცხდა | გიორგი შერმადინმა 23 წუთი ითამაშა

ესპანეთის ACB ლიგის მე-7 ტურის შეხვედრაში ტენერიფე ვალენსიასთან 79:96 დამარცხდა.

გიორგი შერმადინმა 22:31 წუთი ითამაშა, რა დროშიც 11 ქულა (6-დან 4 ორქულიანი, 3-დან 3 საჯარიმო) და 6 მოხსნა მიითვალა.

მატჩში ყველაზე მეტი 23 ქულა კამერონ ტეილორმა ჩააგდო, 15 ქულა ჰქონდა როკას გიედრაიტისს.

ტენერიფეს ACB ლიგაში 10 ქულა აქვს (5 მოგება, 2 მარცხი) და მე-4 პოზიციაზეა. მომდევნო შეხვედრას ქართველი კალათბურთელის გუნდი 23 ნოემბერს, ბასკეტ სარაგოსას წინააღმდეგ გამართავს.