სტივ კერი: ,,ახლა გოლდენ სტეიტი კალათბურთის ისტორიაში ყველაზე მშვიდი გუნდია''
3 თვის წინ
კალათბურთი
1 წთ
,,გოლდენ სტეიტ უორიორსის'' მთავარმა მწვრთნელმა, სტივ კერმა, ,,ნიუ ორლეანს პელიკანსთან'' წაგებულ მატჩზე ისაუბრა:
,,შედეგი სრულიად დამსახურებულია. გუნდს თავის მოქმედებებში ნდობა არ აქვს. რაღაც მომენტში საკუთარი თავის მიმართ რწმენას კარგავ. ხდება ხოლმე... ბოლო დღეების განმავლობაში, ჩვენთან სწორედ ეს მოხდა - დავკარგეთ გუნდური სულისკვეთება და თავდაჯერებულობა, რაც ძლიერ გუნდებთან დაპირისპირებაში მნიშვნელოვანია.
რა თქმა უნდა, შეშფოთების მიზეზი არსებობს. ჩემმა ერთ-ერთმა თანაშემწემ აღნიშნა, რომ ჩვენ ახლა კალათბურთის ისტორიაში ყველაზე მშვიდი გუნდი ვართ. ვფიქრობ, პოლისა და გრინის გარეშე ეს აშკარად ჩანს - გვყავს ზედმეტად ჩუმად მოთამაშე შემადგენლობა, გვჭირდება ხმა, რომელიც გუნდს უხელმძღვანელებს!'' - სტივ კერი
დღეს ,,გოლდენ სტეიტმა'' ,,ნიუ ორლეანსს'' უმასპინძლა და 36-ქულიანი სხვაობით, ანგარიშით 105:141 დამარცხდა.
კერის გუნდი 17 მოგებითა და 20 წაგებით დასავლეთ კონფერენციის მე-12 პოზიციაზეა. ,,უორიორსი'' მომავალ მატჩს 13 იანვარს, ,,ჩიკაგო ბულსის'' წინააღმდეგ გამართავს.
Steve Kerr said the Warriors are “lacking confidence” right now and called them a quiet team without Draymond Green and Chris Paul. pic.twitter.com/FKeIsgw20S
— Anthony Slater (@anthonyVslater) January 11, 2024