საქართველომ ამხანაგურ მატჩში ლატვია დაამარცხა

დღეს საქართველოს საკალათბურთო ნაკრებმა, რიგაში, ლატვია ათქულიანი სხვაობით, 87:77 დაამარცხა. მიუხედავად იმისა, რომ "ჯვაროსნებს" დღევანდელ დაპირისპირებაში, გუნდის ორი ლიდერი, თორნიკე შენგელია და სანდრო მამუკელაშვილი ვერ დაეხმარნენ, მათ მაინც შეძლეს მეტოქის დამარცხება.

საქართველოს საკალათბურთო ნაკრები მსოფლიო ჩემპიონატისთვის ემზადება. დღევანდელი ამხანაგური შეხვედრაც, საკვალიფიკაციო თამაშებისთვის, ერთგვარი მოსამზადებელი მატჩი იყო. საკვალიფიკაციო ეტაპზე კი, საქართველო, 2 შეხვედრას ჩაატარებს. 2 ივლისს "ჯვაროსნები", ისევ რიგაში, უკრაინას დაუპირისპირდებიან. ხოლო 5 ივლისს, თბილისში, ესპანეთის წინააღმდეგ ითამაშებენ.