საერთაშორისო კლასის დამსახურებული ქართველი მსაჯი მოულოდნელად გარდაიცვალა

2024 წელი ქართული კალათბურთისთვის მძიმედ დაიწყო. საერთაშორისო კლასის დამსახურებული ქართველი არბიტრი - დავით ბერეკაშვილი, 50 წლის ასაკში მოულოდნელად გარდაიცვალა.

აღნიშნული ტრაგედიის შესახებ ინფორმაცია, საქართველოს კალათბურთის ფედერაციის ოფიციალურ Facebook გვერდზე განთავსდა. დავით ბერეკაშვილი ათწლეულების მანძილზე ერთგულად ემსახურებოდა ქართულ კალათბურთს.

Belive-ს გუნდი მწუხარებას გამოთქვამს დავით ბერეკაშვილის გარდაცვალებასთან დაკავშირებით. ვუსამძიმრებთ ოჯახის წევრებსა და სრულიად ქართულ საკალათბურთო ოჯახს.