ქუთაისი ბილბაოსთან 31 ქულით დამარცხდა

საქართველოს სუპერლიგის მოქმედმა ჩემპიონმა, ,,ქუთაისმა'', ფიბა ევროპის თასის მე-2 ტურის შეხვედრაში J ჯგუფის ლიდერ ,,ბილბაოს'' უმასპინძლა და 31-ქულიანი სხვაობით, ანგარიშით 57:88 დამარცხდა. შედეგად, ქართულმა გუნდმა ჯგუფურ ეტაპზე მეორე მატჩი დათმო.

,,ქუთაისის'' შემადგენლობაში 17 ქულით, 13 მოხსნით, 3 დაფარებით, 2 შედეგიანი გადაცემითა და 2 ჩაჭრით გიორგი კორსანტია გამოირჩა. 9 ქულას, 6 მოხსნას, 2 ჩაჭრას, 1 პასსა და 1 დაფარებას მოუყარა თავი გიორგი სულაბერიძემ.

,,ბილბაოს'' 18 ქულით, 5 ასისტით, 3 ჩაჭრითა და 2 მოხსნით კრისტიან კულამაემ ულიდერა. ესტონელმა 6-დან 6 სამქულიანი ჩააგდო.

,,ქუთაისი'' ფიბა ევროპის თასის მომავალ შეხვედრას 23 ოქტომბერს, ბულგარულ ,,ბალკანთან'' სტუმრად ჩაატარებს.