ქუთაისის პირველი გამარჯვება ფიბა ევროპის თასზე

ფიბა ევროპის თასის J ჯგუფის მე-3 ტურის შეხვედრაში საქართველოს სუპერლიგის მოქმედმა ჩემპიონმა, ,,ქუთაისმა'', ბულგარული ,,ბალკანი'' სტუმრად 8-ქულიანი სხვაობით, ანგარიშით 86:78 დაამარცხა.

,,ქუთაისის'' შემადგენლობაში 27 ქულით, 11 მოხსნითა და 2 დაფარებით გიორგი კორსანტია გამოირჩა. 16 ქულას, 8 მოხსნას, 7 პასს, 3 ჩაჭრასა და 1 დაფარებას მოუყარა თავი ელია ჯოინერმა.

,,ბალკანს'' 24 ქულით, 7 მოხსნითა და 2 ჩაჭრით გეორგი ბოიანოვმა ულიდერა.

,,ქუთაისი'', რომლის ანგარიშზე 1 მოგება და 2 მარცხია, ფიბა ევროპის თასის მომავალ შეხვედრას 30 ოქტომბერს, სლოვაკური ,,პრიევიძას'' წინააღმდეგ გამართავს.