ორლანდოს 6-მატჩიანი მოგებათა სერია კლიპერსთან შეწყდა | ბითაძემ 20 წუთამდე ითამაშა

,,ორლანდო მეჯიქის'' 6-მატჩიანი მოგებათა სერია ,,ლოს ანჯელეს კლიპერსმა'' შეწყვიტა. ჯამალ მოსლის გუნდი სტუმრად 11-ქულიანი სხვაობით, ანგარიშით 93:104 დამარცხდა.

დღევანდელ შეხვედრაში ძირითად ხუთეულში, 20 წუთამდე ითამაშა გოგა ბითაძემ, რომელმაც 9 ქულა, 2 მოხსნა, 1 შედეგიანი გადაცემა, 1 ჩაჭრა და 1 დაფარება მოაგროვა. გოგამ მატჩში 5-დან 3 ორქულიანი და 3-დან 3 საჯარიმო ჩააგდო.

,,კლიპერსის'' რიგებში 24 ქულით, 7 მოხსნითა და 5 ასისტით ჯეიმს ჰარდენი გამოირჩა.

,,ორლანდო'' 9 მოგებითა და 7 წაგებით აღმოსავლეთ კონფერენციის მე-4 პოზიციაზეა. ბითაძის გუნდი მომავალ მატჩს ხვალ, ,,ლოს ანჯელეს ლეიკერსის'' წინააღმდეგ გამართავს.