ორლანდომ ვაშინგტონს მოუგო | ბითაძეს მცირე დრო დაუთმეს

NBA-ის რეგულარული სეზონის შეხვედრაში ,,ორლანდო მეჯიქმა'' ,,ვაშინგტონ უიზარდსი'' სტუმრად 12-ქულიანი სხვაობით, ანგარიშით 109:97 დაამარცხა.

მატჩში ორწუთ-ნახევარი ითამაშა გოგა ბითაძემ, რომელსაც შედეგიანი მოქმედება არ ჰქონია.

,,ორლანდოს'' 33 ქულით, 18 მოხსნით, 8 პასითა და 1 დაფარებით პაულო ბანკერომ ულიდერა, ,,ვაშინგტონის'' რიგებში კი 32 ქულით, 9 მოხსნითა და 7 ასისტით ბუბ კარინგტონი გამოირჩა.

გოგა ბითაძის გუნდი, რომელიც 38 მოგებითა და 40 მარცხით აღმოსავლეთ კონფერენციის მე-7 პოზიციაზეა, მომავალ შეხვედრას 9 აპრილს, ,,ატლანტა ჰოუქსის'' წინააღმდეგ გამართავს.