მილუოკიმ სანდრო მამუკელაშვილი გაათავისუფლა
ნაციონალური საკალათბურთო ასოციაციის (NBA) აღმოსავლეთ კონფერენციის ლიდერისა და სანდრო მამუკელაშვილის გზები გაიყო. გავრცელებული ინფორმაციით, "მილუოკიმ" სანდრო მამუკელაშვილი გუნდიდან გაუშვა.
მამუკელაშვილის გათავისუფლების შესახებ ინფორმაცია რამდენიმე გავლენიან მედია საშუალებაში გავრცელდა. NBA-ს ოფიციალური ვებგვერდი, ESPN-ი და SBNATION-ი ერთხმად ადასტურებენ, რომ "ბაქსმა" მამუკელაშვილის გუნდიდან გაშვება ოფიციალურად მოითხოვა, რის შემდეგაც საქართველოს კალათბურთელთა ეროვნული ნაკრების ვარსკვლავთან კონტრაქტი გაწყვიტა.
Bucks are waiving F/C Sandro Mamukelashvili, sources tell ESPN. He’s played 65 games in two seasons since getting drafted out of Seton Hall. Team worked with his representation on release to help with Mamukelashvili’s future options. Bucks vet roster offered limited opportunity.
— Adrian Wojnarowski (@wojespn) March 1, 2023
გავრცელებული ინფორმაციით, ფრენჩაიზის წარმომადგენლები მამუკელაშვილს ახალი გუნდის პოვნაში აქტიურად ეხმარებიან. მამუკელაშვილი "სეტონ ჰოლის" უნივერსიტეტის საკალათბურთო გუნდში თამაშობდა, რის შემდეგაც დრაფტზე "ბაქსმა" აირჩია.
"მილუოკიში" გატარებულ 2 სეზონში, ქართველმა ფორვარდმა 65 შეხვედრაში მიიღო მონაწილეობა. გუნდში სანდროს მცირე სათამაშო დრო ჰქონდა და მისი გათავისუფლების ერთ-ერთ უმთავრეს მიზეზად სწორედ ეს სახელდება.
სხვა სტატიები
