მანუჩარ მარკოიშვილი ევროლიგის გუნდის დროებითი მთავარი მწვრთნელი იქნება
საკალათბურთო კლუბმა, ,,მონაკომ'' მთავარ მწვრთნელთან, საშა ობრადოვიჩთან, კონტრაქტი გაწყვიტა.
ფრანგული გუნდის ოფიციალური ვებგვერდის ცნობით, ,,მონაკოს'' დროებითი მთავარი მწვრთნელი მანუჩარ მარკოიშვილი გახდა, რომელიც ობრადოვიჩთან ერთად სამწვრთნელო შტაბში მუშაობდა.
,,მონაკომ და საშა ობრადოვიჩმა ურთიერთშეთანხმების საფუძველზე კონტრაქტი გაწყვიტეს. მასთან ერთად ჩვენი გუნდი საფრანგეთის ჩემპიონი ორჯერ გახდა, გარდა ამისა, მოიგო თასი და ევროლიგის ფინალურ ოთხეულში ითამაშა. საშას მადლობას ვუხდით შესრულებული სამუშაოსთვის.
მონაკოს დროებითი მთავარი მწვრთნელი მანუჩარ მარკოიშვილი იქნება.'' - წერია მონაკოს განცხადებაში
ევროლიგის 10 ტურის შემდეგ, ,,მონაკო'' 6 მოგებითა და 4 მარცხით სატურნირო ცხრილის მე-7 პოზიციაზეა, საფრანგეთის ჩემპიონატში კი მე-5 ადგილს იკავებს.
მარკოიშვილის გუნდი მომავალ მატჩს 21 ნოემბერს, ,,ლიონის'' წინააღმდეგ გამართავს.
L'AS Monaco Basket et Sasa Obradovic ont décidé de mettre fin à leur collaboration d'un commun accord.
— AS Monaco Basket 🇲🇨 (@ASMonaco_Basket) November 18, 2024
Sasa Obradovic a apporté de la rigueur et travaillé sans relâche depuis le début de cette aventure humaine en décembre 2021, après un premier passage de 2019 à 2020. Avec au… pic.twitter.com/S2B56whWAs
სხვა სტატიები
.32.webp)
