მამუკელაშვილსა და ბითაძეს მცირე სათამაშო დრო მიეცათ

ნაციონალური საკალათბურთო ასოციაციის (NBA) რეგულარული სეზონის შეხვედრაში, "მილუოკისა" და "საკრამენტოს" დაპირისპირება შედგა.

მილუოკიში გამართული მატჩი, მასპინძელთა გამარჯვებით, 126:113 დასრულდა. "ბაქსის" ქართველ ფორვარდს - სანდრო მამუკელაშვილს მცირე სათამაშო დრო მიეცა. მამუმ პარკეტზე 1:18 წუთი დაჰყო ამ დროის განმავლობაში, მხოლოდ ერთი სროლის შესრულება შეძლო, რომელიც არაზუსტი აღმოჩნდა.

პარალელურ შეხვედრაში, "მინესოტა" "ინდიანას" დაუპირისპირდა. მინეაპოლისში გამართულ დაპირისპირებაში, მასპინძლებმა 121:115 გაიმარჯვეს.

"პეისერსის" შემადგენლობაში გოგა ბითაძეს მცირე სათამაშო დრო მიეცა. ქართველმა ცენტრმა პარკეტზე 2:13 წუთი დაჰყო და ამ დროის განმავლობაში მხოლოდ 1 შედეგიანი გადაცემის შესრულება მოასწრო.