მამუკელაშვილის შედეგიანი თამაში - ტორონტომ ბრუკლინი დაამარცხა

ნაციონალური საკალათბურთო ასოციაციის (NBA) პრესეზონის ბოლო მატჩში, ტორონტომ ბრუკლინს უმასპინძლა და 119:114 გაიმარჯვა.

სანდრო მამუკელაშვილმა ტორონტოს რიგებში შედეგიანი მატჩი ჩაატარა - მამუმ 17:34 წუთში 10 ქულის, 5 მოხსნისა და 2 შედეგიანი გადაცემის დაგროვება შეძლო.

როგორც აღვნიშნეთ, ტორონტომ პრესეზონის ბოლო მატჩი ითამაშა. მთლიანობაში კანადელებმა 6 მატჩი ჩაატარეს (4 მოგება, 2 მარცხი).

ტორონტო რეგულარული სეზონის პირველ მატჩს, 23 ოქტომბერს, ატლანტა ჰოუქსის წინააღმდეგ გამართავს.