მამუკელაშვილის 9 ქულა და სან ანტონიოს გამარჯვება საკრამენტოსთან

NBA-ის რეგულარული სეზონის მე-11 მატჩში "სან ანტონიო სპურსმა" საკუთარ არენაზე "საკრამენტო კინგსი" მიიღო და 20-ქულიანი სხვაობით, 116:96 გაიმარჯვა. მიმდინარე სეზონში, სანდრო მამუკელაშვილმა ყველაზე დიდი დრო მიიღო, ქართველმა პარკეტზე თითქმის 16 წუთი გაატარა და შედეგიანადაც გამოიყენა.

მამუკელაშვილმა 9 ქულასა და 2 მოხსნას მოუყარა თავი. აღსანიშნავია, რომ სანდრომ 5 სამქულიანიდან 3 ჩააგდო, ხოლო საშუალო დისტანციიდან არ უსვრია. ფენომენალური მატჩი ჰქონდა სან ანტონიოს სუპერვარსკვლავს, ვიქტორ ვემბანიამას. ფრანგი ყველაზე შედეგიანი მოთამაშე იყო და სოლიდური ორმაგიც დააფისქირა - 34 ქულა, 14 მოხსნა და 6 შედეგიანი გადაცემა.

სან ანტონიოსთვის ეს მე-5 გამარჯვება იყო და დასავლეთ კონფერენციის ცხრილში მე-12 ადგილს იკავებს. 14 ნოემბერს, სპურსი ისევ საკუთარ კედლებში "ვაშინგტონ უიზარდს" მიიღებს.