საკალათბურთო სამყაროს ექსპერტები ხშირად აღნიშნავენ, რომ თანამედროვე კალათბურთი ოქროს ხანაა, რომელსაც თავის მხრივ ისეთი ლეგენდარული კალათბურთელები ქმნიან, როგორებიც არიან - ლებრონ ჯეიმსი, კობი ბრაიანტი, კევინ დურანტი, სტეფ კარი, იანის ანტეტოკუნმპო, ლუკა დონჩიჩი და ა.შ.
სწორედ ოქროს ხანის ეპოქაში, ლებრონ ჯეიმსი ფაქტებით ამტკიცებს, რომ კალათბურთის ისტორიაში ერთ-ერთი საუკეთესოა. ლებრონ ჯეიმსი, რომელსაც რაოდენ გასაკვირიც არ უნდა იყოს, უამრავ გულშემატკივართან ერთად, საკმაოდ ბევრი "მოძულეც" ჰყავს, მათ შორის "ლეიკერსის" მხარდამჭერებიც.
ლებრონმა "ლეიკერსთან" ერთად, 28 მარტს, "პელიკანსის" წინააღმდეგ, გასვლით მატჩში იასპარეზა. მეფემ პარკეტზე გატარებულ 41:38 წუთში, 9 მოხსნასთან, 5 შედეგიან გადაცემასთან და 1 ბლოკშოტთან ერთად, 39 ქულას მოუყარა თავი, რომლითაც მან კარიერულ ქულათა მაჩვენებელში 37,000-ს გადააჭარბა.
ლებრონ ჯეიმსი ყველა დროის "მექულეთა" შორის მე-2 კალათბურთელია, მას მხოლოდ ლეგენდარული კარიმ აბდულ-ჯაბარი (38,387 ქულა) უსწრებს.
საყურადღებოა, რომ ლებრონ ჯეიმსი ყველაზე ახალგაზრდა კალათბურთელია, რომელმაც 37,000 ქულამდე მიაღწია. ერთი შეხედვით, თითქოს განსაკუთრებული რეკორდული მაჩვენებელი ამაში არაფერია, რადგან 37,000 ქულაზე მეტი მხოლოდ 2 კალათბურთელს აქვს, თუმცა თუ ჩავუღრმავდებით, დავრწმუნდებით, რომ ლებრონი ფენომენალურ მაჩვენებელს აფიქსირებს:
"მეფე" ყველაზე ახალგაზრდა კალათბურთელი იყო, რომელმაც ქვემოთმოყვანილ ქულათა ნიშნულს ყველაზე ახალგაზრდა ასაკში მიაღწია:
1,000
2,000
3,000
4,000
5,000
6,000
7,000
8,000
9,000
10,000
11,000
12,000
13,000
14,000
15,000
16,000
17,000
18,000
19,000
20,000
21,000
22,000
23,000
24,000
25,000
26,000
27,000
28,000
29.000
30,000
31,000
32,000
33,000
34,000
35,000
36,000
37,000
37 წლის ასაკში ლებრონი კვლავ ბრწყინვალე ფორმაშია, წლევანდელ სეზონში მისი საშუალო ქულათა რაოდენობა თამაშის მანძილზე 30.1-ია, რაც იძლევა იმის ვარაუდის წინაპირობას, რომ მეფე ყველა დროის საუკეთესო მექულე გახდება...