კარიმ აბდულ-ჯაბარი ფეხის მოტეხილობით საავადმყოფოში გადაიყვანეს

"ლეიკერსის" და საკალათბურთო სამყაროს ლეგენდა, 76 წლის კარიმ აბდულ-ჯაბარი, ბარძაყის ძვლის მოტეხილობით, საავადმყოფოში გადაიყვანეს. ისტორიაში ერთ-ერთი ყველაზე დიდი სპორტსმენი ლოს ანჯელესში კონცერტს ესწრებოდა, რა დროსაც დაეცა და ფეხი მოიტეხა:

წინა სეზონამდე NBA-ის ისტორიაში საუკეთესო მექულე სწორედ კარიმ აბდულ-ჯაბარი იყო, მაგრამ ახლა ეს ტიტული ლებრონ ჯეიმსს ეკუთვნის, "მეფემ" 2023 წლის 8 თებერვალს, ოკლაჰომასთან მატჩში, კარიერის 38 388-ე ქულა ჩააგდო და ეროვნული საკალათბურთო ასოციაციის რეგულარულ­ი სეზონის ყველა დროის რეკორდი მოხსნა.