"კარგად უნდა გვესმოდეს, როგორი ძლიერი მეტოქეები გვეყოლება" - ალეკსანდარ ჯიკიჩი

ევრობასკეტ 2025-ის წილისყრის შემდეგ, ცნობილი გახდა, რომ საქართველოს კალათბურთელთა ეროვნული ნაკრები C-ჯგუფში: კვიპროსის, იტალიის, საბერძნეთის, ესპანეთისა და ბოსნიის წინააღმდეგ ითამაშებს.

ჩვენი ნაკრების მთავარმა მწვრთნელმა ალეკსანდარ ჯიკიჩმა წილისყრა შეაფასა და მოლოდინებზე ისაუბრა. სერბი სპეციალისტის კომენტარი საქართველოს კალათბურთის ფედერაციის facebook გვერდზე განთავსდა.

საქართველოს ეროვნული საკალათბურთო ნაკრები ევრობასკეტ 2025-ზე პირველ მატჩს, 28 აგვისტოს, ესპანეთის წინააღმდეგ გამართავს. მოქმედი ჩემპიონის შემდეგ, ჩვენი ნაკრები იტალიას, საბერძნეთს, კვიპროსსა და ბოსნიას დაუპირისპირდება. მატჩები ლიმასოლში გაიმართება, პლეი-ოფში კი ჯგუფის საუკეთესო 4 ნაკრები გააგრძელებს ასპარეზობას.