კამარ ბოლდუინს ხელზე ოპერაცია სჭირდება

"ბასკონიასა" და საქართველოს საკალათბურთო ნაკრების მოთამაშემ, კამარ ბოლდუინმა, გასულ კვირას, მადრიდის "რეალის" წინააღმდეგ შეხვედრაში ტრავმა მიიღო და ოპერაცია სჭირდება.

ესპანური კლუბის ოფიციალური ვებ-გვერდი წერს, რომ ბოლდუინმა ხელის პირველი ფალანგა დაიზიანა.

ბოლდუინი შესანიშნავად ჩაეწერა ნაკრების შემადგენლობაში. მას დებიუტი გასული წლის ნოემბერში ჰქონდა - ევრობასკეტის საკვალიფიკაციო ეტაპზე ფინეთთან ორი შეხვედრა ჩაატარა. მან ნაკრებს, საშუალოდ, 22.5 ქულა მოუტანა. თებერვლის სანაკრებო მატჩები ბოლდუინმა ტრავმის გამო გამოტოვა.