ჯეიმსის რეკორდი - All-Star-ის სასტარტო ხუთეულები ცნობილია

დღეს All-Star 2024-ის სასტარტო ხუთეულები დაკომპლექტდა. ყველა ვარსკვლავის მატჩი, რომელიც რიგით 73-ეა, კლასიკური ფორმატით ჩატარდება და ერთმანეთს დასავლეთისა და აღმოსავლეთის კონფერენციების კალათბურთელები დაუპირისპირდებიან. გარდა ამისა, თითოეული მეოთხედი 12-წუთიანი იქნება (და არა 24-ქულიანი როგორც 2020 წლიდან იყო).

გამოკითხვაში მონაწილეობას გულშემატკივრები, მედიის წარმომადგენლები და NBA-ის მოთამაშეები იღებდნენ.

დასავლეთ კონფერენციას ლებრონ ჯეიმსი უკაპიტნებს, რომელმაც ქომაგებისგან 5 098 872 ხმა მიიღო. სუპერვარსკვლავი All-Star-ში მეოცედ ითამაშებს, რაც რეკორდული მაჩვენებელია - ,,მეფემ'' კარიმ აბდულ-ჯაბარის რეკორდი გააუმჯობესა.

აღმოსავლეთის გუნდის კაპიტანი იანის ანტეტოკუნმპო იქნება (მე-8 All-Star) - ,,მილუოკის'' ლიდერმა გამოკითხვაში ყველაზე მეტი - 5 427 874 ხმით პირველი ადგილი დაიკავა.

დასავლეთ კონფერენციის სასტარტო ხუთეული:

• ლუკა დონჩიჩი (დალასი)

• შეი გილჯეს-ალექსანდერი (ოკლაჰომა)

• კევინ დურანტი (ფინიქსი)

• ლებრონ ჯეიმსი (ლეიკერსი)

• ნიკოლა იოკიჩი (დენვერი

აღმოსავლეთ კონფერენციის სასტარტო ხუთეული

• ტაირის ჰალიბარტონი (ინდიანა)

• დემიენ ლილარდი (მილუოკი)

• იანის ანტეტოკუნმპო (მილუოკი)

• ჯეისონ ტეიტუმი (ბოსტონი)

• ჯოელ ემბიდი (ფილადელფია)

NBA-ის ყველა ვარსკვლავის მატჩი 18 თებერვალს გაიმართება. სათადარიგოთა მოთამაშეებს გუნდების მთავარი მწვრთნელები პირველ თებერვალს დაასახელებენ.