იანისმა კარიერის საუკეთესო მატჩი ჩაატარა
ნაციონალური საკალათბურთო ასოციაციის (NBA) რეგულარული სეზონის შეხვედრაში, "მილუოკისა" და "ვაშინგტონის" დაპირისპირება შედგა. მილუოკიში, "Fiserv Forum"-ზე გამართული მატჩი, მასპინძელთა გამარჯვებით 123:113 დასრულდა.
გასაკვირი არაა, რომ "მილუოკი ბაქსის" გამარჯვებაში ლომის წილი იანის ანტეტოკუნმპომ დაიდო. "ბაქსის" ბერძენმა ლიდერმა პარკეტზე გატარებულ 36:34 წუთში 55 ქულის, 10 მოხსნისა და 7 შედეგიანი გადაცემის დაგროვება შეძლო. იანისმა თამაშიდან ნასროლი 33-დან 20 ჩააგდო.
აღსანიშნავია, რომ "ვაშინგტონის" წინააღმდეგ იანისმა კარიერის ყველაზე შედეგიანი მატჩი ჩაატარა და პირადი რეკორდი გააუმჯობესა. დღემდე, ანტეტოკუნმპოს საუკეთესო შედეგი 52 ქულას შეადგენდა.
Giannis’ 143 points in the last 3 games is a Bucks franchise record passing Flynn Robinson’s 129 points from 1969.
— Milwaukee Bucks (@Bucks) January 4, 2023
55 PTS | 10 REB | 7 AST | 2 STL | 61 FG% pic.twitter.com/4Qh4s8QXck
იანისმა უკანასკნელ 3 შეხვედრაში ჯამური 143 ქულის დაგროვება შეძლო, რაც ასევე ფრენჩაიზის რეკორდია. აღნიშნული მაჩვენებლით ანტეტოკუნმპომ ფლინ რობინსონის მიერ 1969 წელს დამყარებული რეკორდი გააუმჯობესა (129).
სხვა სტატიები
.32.webp)
