გუნდში ერთ-ერთი საუკეთესო იყო - მამუკელაშვილმა პრე-სეზონში 18 წუთი ითამაშა
NBA-ს 2024/2025 წლების სეზონის დაწყებამდე ზუსტად 2 კვირაა დარჩენილი. ახალი სეზონი სტარტს 24 ოქტომბერს აიღებს და 2025 წლის 13 აპრილს დასრულდება (რეგულარული სეზონი).
კლუბებმა უკვე დაიწყეს ახალი სეზონისთვის მზადება, შესაბამისად NBA-ს პრე-სეზონმაც აიღო სტარტი, სადაც საქართველოს ნაკრებისა და "სან ანტონიოს" კალათბურთელმა - სანდრო მამუკელაშვილმა თავი პირველივე მატჩში გამოიჩინა.
კერძოდ, "სან ანტონიომ" "ოკლაჰომას" უმასპინძლა და 5-ქულიანი სხვაობით 107:112 დამარცხდა. ქართველმა კალათბურთელმა პარკერტზე 17:41 წუთი ითამაშა, რა პერიოდშიც მისი მონაგარი: 14 ქულა, 3 მოხსნა, 1 შედეგიანი გადაცემა და 1 ჩაჭრა იყო.
შედეგიანობით სანდრო მის კლუბში მეორე კალათბურთელი იყო და მას მხოლოდ ჯულიან შამპანიემ აჯობა, რომელმაც 22 ქულა ჩააგდო.
Sandro Mamukelashvili tonight:
— SpursMuse (@spurs_muse) October 8, 2024
— 14 PTS
— 4-5 FG
— 3-4 3P
Mamu is the X Factor. 🤝 pic.twitter.com/mlGu21o2cY
აღსანიშნავია ის ფაქტი, რომ სანდრო მამუკელაშვილმა მატჩის შემდეგ მედიასთან საუბარში საკმაოდ დიდი დრო გაატარა, სადაც თავის მომავალზე, ახალ სეზონსა და სხვადასხვა საინტერესო ფაქტებზე ისაუბრა.
Sandro Mamukelashvili- who said he was excited to play earlier today. Had a good game. Here’s what he had to say afterwards. pic.twitter.com/XJv5Zoscck
— SpursRΞPORT (@SpursReporter) October 8, 2024
სხვა სტატიები
