გოლდენ სტეიტის მთავარი მწვრთნელის ასისტენტი გულის შეტევით გარდაიცვალა
"გოლდენ სტეიტ უორიორსის" მთავარი მწვრთნელის ასისტენტი - დეიან მილოიევიჩი, საავადმყოფოში გულის შეტევით გარდაიცვალა. სერბი სპეციალისტი "უორიორსის" წინასამატჩო სადილზე შეუძლოდ გახდა და დაუყოვნებლივ საავადმყოფოში გადაიყვანეს - სამედიცინო პერსონალის აქტიური მცდელობის მიუხედავად, მილოიევიჩის გადარჩენა ვერ მოხერხდა.
15 წლიანი საკალათბურთო კარიერის განმავლობაში, დეიან მილოიევიჩი სერბეთის, ესპანეთის, თურქეთისა და მონტენეგროს კლუბებში თამაშობდა. 2021 წლიდან ის "გოლდენ სტეიტის" მთავარი მწვრთნელის ასისტენტია, ხოლო მანამდე "ბუდუჩნოსტის" მთავარი მწვრთნელის პოსტს იკავებდა, სადაც გოგა ბითაძე ასპარეზობდა.
We are absolutely devastated by Dejan Milojević's sudden passing.
— Golden State Warriors (@warriors) January 17, 2024
This is a shocking and tragic blow for everyone associated with the Warriors and an incredibly difficult time for his family, friends, and all of us who had the incredible pleasure to work with him.
We grieve… pic.twitter.com/0wExlLlu5z
