გიორგი შერმადინს შესანიშნავი მატჩი ჰქონდა

ესპანეთის ლიგა ენდესას ბოლო, 34-ე ტურის შეხვედრაში ტენერიფე მანრესასთან 86:83 დამარცხდა.

გიორგი შერმადინს მატჩში მეორე ყველაზე კარგი მაჩვენებელი ჰქონდა, ქართველმა ცენტრმა 27:56 წუთი ითამაშა, რა დროშიც 17 ქულა (7-დან 5 ორქულიანი, 7-დან 7 საჯარიმო) და 8 მოხსნა მიითვალა.

გიორგის 1 ქულით აჯობა და 18 ქულა დააგროვა ბრუნო ფიტიპალდომ.

ტენერიფემ ლიგა ენდესა 50 ქულით და მე-3 ადგილით დაასრულა, ამ მატჩის შემდეგ პლეი-ოფი იწყება, 1/4-ფინალურ ეტაპზე ქართველი კალათბურთელის გუნდი ხოვენტუტ ბადალონას დაუპირისპირდება. პირველი შეხვედრა 2 ივნისს გაიმართება.