გიორგი შერმადინის ტენერიფემ ბარსელონა დაამარცხა და თასის 1/2-ფინალში გავიდა

ესპანეთის თასის მეოთხედფინალში გიორგი შერმადინის ,,ტენერიფემ'' ,,ბარსელონა'' 5-ქულიანი სხვაობით, ანგარიშით 91:86 დაამარცხა.

ქართველმა ცენტრმა, რომელიც ძირითად ხუთეულში არ ყოფილა, 11 წუთში 5 ქულასა და 1 მოხსნას მოუყარა თავი. შერმადინმა 2-დან 2 ორქულიანისა და 3-დან 1 საჯარიმოს ჩაგდება შეძლო.

,,ტენერიფეს'' 22 ქულით, 6 მოხსნით, 6 პასითა და 1 ჩაჭრით მარსელინიო უერტასმა ულიდერა, ,,ბარსას'' რიგებში კი 17 ქულით, 7 ასისტითა და 5 მოხსნით ტომაშ სატორანსკი გამოირჩა.

შერმადინის გუნდის მეტოქე ნახევარფინალში ,,უნიკახა'' იქნება. მატჩი ხვალ გაიმართება და 21:30 საათზე დაიწყება.

კოპა დელ რეის მოქმედი გამარჯვებული მადრიდის ,,რეალია'', რომელმაც შარშან ფინალურ შეხვედრაში სწორედ ,,ბარსელონას'' მოუგო.